Twitter bëhet televizion

Twitter bëhet një televizion. Mikroblogu i postimeve ka bërë marrëveshje me 16 editoriale, duke përfshirë Bloomberg, BuzzFeed, NBA dhe Live Nation për transmetimin direkt të përmbajtjeve të tipologjive të ndryshme, 24 orë në ditë.

Kjo lëvizje, gjithnjë e më e përfolur këto ditët e fundit, tregon interesin gjithnjë e më të madh të platformës për videot dhe transmetimin, sektor ku duke nisur që nga Facebook, po impenjohen të gjithë gjigantët e teknologjisë, transmeton TCH.

Sipas të dhënave të tremujorit të fundit, Twitter ka regjistruar më shumë se 800 orë përmbajtje “live” me një numër shikuesish prej 45 milionë përdorues unik.

“Me këto përmbajtje të reja duam t’i ofrojmë më shumë gjëra përdoruesve, më shumë të ardhura editorëve dhe u japim mundësi kompanive të kenë më shumë publik”, shpjegon Twitter.